OLOFI (SENEGAL)

Sunnah Reloaded

      Sant ñeel na Yalla, danu koy jaamu, di sakku ci moom nimbal ak njeggal di muslu ci moom sunu bonu bakkan ak ñaawteefu jëf. Kepp ku Yalla jubal dara du la reeral teyit kumu sãk dara mënu la jubal. Di seede ni amul benn buur buñu wara jaamu ci dëgg kudul Yalla, te Muhammad jaamam la ndawaw la (saws).

Boroom bu magg bi neena: (Éey yeen ñi gëm ragal leen Yalla dëg-dëg ragal te bu leen dee mukk ludul dangeen nekk ay jullit) Aali imraab laaya 102.  Li gën a rafet ciy wax gaddu Boroom bi, te li gën ciy njub,di jubu Yonenti bi Muhammad (saws), li gën a bonn ci mbir ya yuñu sos, bepp sos bidaa la, bepp bidaa reer la te benn reer safara lay jëme boroomam.

Ginnaaw loolu:

Lan mooy sunna? (Suñu waxee sunna lumuy tekki)??

Sunna di baatum araab, suñu ko waxee ci araab, di neñ ci jublu: yoon buñu jël wala buñuy toppu, moo xam bu baax la wala safaan wa. Suñu ko boyalee: yiw lay doon. Naka noonu di nen ko wax: luñu taamoo def, aada wala yoonal. Su ñu xoolee ñuy géstu wallu hadiis dinen ko xamlee ni mooy: lepp luñu jokk – tuxalee – jóge ci Yonenti bi (saws) moo xam wax la, jëf, saxal wala sax melokaan.

Ňii di ”fuqahaa yi” nekk ci xam-xamu fequ, ñoom neena ñu: lepp lu wuute ak wareef wala farata, maanam: luñu sopp, te mooy lepp lu Yonenti bi saws def wala mu sopp ku ko def ci ludul lu war waaya lunu sopp.

Dayoowu sunna:

Werna ci Yonenti bi mune: << Baayil naa leen ñaari mbir, fii ak yeena ngeen ciy japp dooleen mës a jeng (reer) sama ginnaaw: téere boroom bi ak sama sunna >>. Mu waxati ne: ( japp leen sama sunna ak sunnaay samay xaliifa ñuy ñëw sama ginnaaw, na ngeen ko ngànk ak seeni dëgëji, ma leen di moytu loo luñu sos ci diine) Sunnaay Yonenti mooy yoon buy jëme aljana.

Imaam Maalik yalna ko Yalla yërëm day wax naan: ( sunna gaalu nuuh la, ku ci yéek texe ku ko wuute lab )

(S)Zunnuuni doomu esipt bi day wax: ( bokk na ci mandarga bëgg Yalla topp Yonenti bi ci ay jikkoom, jëfam ya, ndigalam ya ak sunnam ya) Boroom bu magg bi day wax naan: (Yaw Yonenti bi wax leen su fekkee bëgg ngeen Yalla, topp leen ma, Yalla bëgg leen te jegagal leen seen ñaaw-jëf, Yalla aji jeggalkat la, kuy yërëm ay jaamam la).

Hasan Basri neena << Bukk na ci luy wone seen bëg Yalla topp bi ngeen di topp Yonenti bi saws).

Tolluwaayu jullit bi xamees na ko ci toppam yonenti bi [sunnaam] (saws) .Su jëfeem sunna gën kaa bari, jegeem Yalla gën di kawe maanam kula dàq jëfe sunna gën laa jege boroom bi.

 

Tënk ci sunna amna ay njariñ: Bokk na ci:

1) Day tax nga yegg ci daraja ci bëgg Yalla;

2) Day tax da ngay moytu lepp luy yokkat ci jëfee farata yi;

3) Fegu ci lilay tàmbal ci bidaa ;

4) Ngay taxawee ndigal yu Boroom bi.

Tay.. jamano soppeeku na, nekkin bi metti na, fittna yi bari na ci jullit ñi. Te du dara ludul luñu baayi njàngaleem (saws). Di roy noon bi ci ay doxalin, ay jëfin ba ci nekkinam. Loolu tax, am sunna yu réer, gis ku ko jëfe sax day jafe.

 

Payoor mu ngi xaar kepp kuy dundal sunna di jëfee ndiglu boroom bi:

Yonenti bi saws mu ne: (kepp ku dundal benn sunna ci samay yos, tekk ci mu di ko jàngal nit ñi, di nen ko fay payooru ku ko jëfe, te dara du waññeeku ci payaaru ñeneen ñi) Abu maaja

Juróom ñetti sunna yuñu gaddaay te lu wer ci Yonenti bi la:

1)     Ňam wadd nga jël ko dindi lor ya daaldi ko lekk:

Jële nanu ci Jaabir Yalla gërëm na ko mu ne: naka Yonenti bi saws digle na ngeeddi ndapp wala mar loxo ginnaw lekk, mu wax ni: ( Su kenn ci yeen di lekk, ñam bi daanu na ko jëll fopp te lekk ko, bumu ko fa baayil saytaane, te bumu fopp loxoom ludul da ko mar, ndax moom xamul ci bann la barke bi nekk) muslim moo ko soloo.

2)     Baril di jegalu Yalla ci jotaay yi:

Abdullah doomu Omar yalna leen Yalla gërëm ne na: ( Suñu doon taggatook Yonenti bi ci benn jotaay…téemeeri yoon : Boroom bi jegal ma, maa ngi tuub ci yaw, yaw de yaay nangu tuub te ku kuy yërëm say jaam nga) abuu dawuud ak Tirmisii ñoo ko soloo, Albaani weral ko

3) Sujóotu sant wala aaru ci lor :

Albaxëwi day wax ci sarhu sunna: sujóotu sant, sunna la soo xam ni dinañu ko def su banneex amee wala am mbir bu yagg nëbb daldı feeñ.
Ibnu qayyim di wax ci saadul ma’aad: bokk na ci njubu Yonenti bi saws ak saabaab ya, dan noon sujóot su mbanneex teewee wala am lor bi fa jóge.
4) Julli ñaari rakka ngir tuub bakkaar:

Ňu jële ci Abu bakrin assaddiiq mu ne :naka Yonenti bi saws nee na ( amul kenn kuy def bakkaar, mu jappu, julli_ci riwaaya ñaari rakka_ mu jégalu Yalla ludul jegal nañu ko) Abu dawuud ak tirmisi ñoo ko soloo, albaani weral ko .
5) bind ndekkaan:

Jële nañu ci doomu Omar : naka Yonenti bi saws neena ( du jaadu ci jullit muy took ñaari guddi _ñetti guddi_ ludul ndekkaaneem mu ngi ak moom mu bind).

Annawi ne degg naa ci Abdullah doomi omar mu naan: mësu maa dook guddi – ginnaaw bama degg loolu ci Yonenti bi saws – ludul sama ndekkaane mu ngi ak man.
6) tëye loxo suñuy niyoo:

Anas neena : (Yonenti bi saws su mësaan jox loxo góor du bayyi ludul koo ku dafa bayyi) . Albaani moo ko weral.

 

7) sàng ci taw ( bés bu ñékk ci taw) :

Anas day nentali naan: tawte nanu ak Yonenti bi saws mu summi ay yereem ngir ndox mi laal yaraman. Ňu laaj ko li tax mu def loolu? Mu ne: ndax lu bess la ci ñun jóge ci boroomam)

Annawawii wax ci leeral bi ne: lii danu ciy jàngee ni sopp nañu genn ci taw bu ñëkk, ñu summi lepp ba lu dess li féete ci awra yi.
8) kabbar ak sabbaalu gis banneex wala lor bu dakku:

Jële nañu ci abii Hurayta mu ne daje naa ak Yonenti bi saws ci yoon fekk ne maa ngi ànd ak janaaba, ma daldi jadd dem sàngu ji. Bama dellusee mu laaj ma foo nekkoon ? Ma ne ko damaa setul woon ma rus nekk ak yaw ci melokaan boobu. Mu ne: subhaanal!!! (sell ñeel na boroom bi) yaw jullit du sobe)
Abu sa’iid xuduri day nentali mu ne: Yonenti bi saws : man mbebet naa ngeen nekk ñeeteelu xaaj buy dugg Aljana, rekk ñu kabbar, mu ne: ñettel bi ñu kabbaraat mu ne: ñaareelu xaaj bi, ñu kabbaraat (Allahu akbar)

BROUGHT TO YOU BY:

THE HIDDEN PRESTIGE TEAM

Advertisements